Biografía
- Biografía reducida
- Sobre a súa música
- Biografía
- Premios
- Medios
- Festivais
- Colaboracións
- Proxectos orquestrais e producións artísticas
Biografía reducida Ligazón ao título
- Graduado en guitarra clásica polo CPM de Ourense-Galicia (España).
- Certificado de recoñecemento na especialidade de jazz e música moderna pola San Diego School of Performing Music – CA-USA do trombonista norteamericano Hal Crook.
- Fundador da Escola Baio Ensamble de Vigo.
- Artista galardoado nos festivais de Jazz de San Sebastián (Euskadi), Festival Intercéltico de Lorient (Francia), recoñecido pola crítica de RNE, televisión e prensa nacional. O seu disco Andaina foi seleccionado pola revista alemá CD-Kritik entre os tres mellores discos de pianistas do ano 2007, incluíndo pianistas de todo o mundo. O programa Diálogos 3 de RNE nomeouno como precursor da “Muiñeira Jazz”, é dicir, o precursor da fusión entre a Música Tradicional de Galicia e o Jazz. A revista portuguesa jazz.pt considérao unha das figuras máis importantes do jazz español e galego.
- 13 discos gravados. O primeiro producido por RNE e os 12 seguintes autoproducidos para diferentes selos nacionais e internacionais.
- 12 discos en colaboración con diferentes artistas e selos.
- Múltiples concertos en festivais de prestixio internacional.
- Profesor de piano jazz, composición e arranxos no CSMus da Coruña – Galicia.
Sobre a súa música Ligazón ao título
O seu estilo creativo caracterízase polo mestizaxe de distintos xéneros de world music co jazz, entre os que se poden mencionar a jota, bulería, rumba, pateado, giga, cantigas medievais, vals venezolano, vals‑modinha, choros brasileiros, pandeirada‑afro, alalá‑blues, raga, etc., resultando nun son encadrado na corrente World‑Jazz de orixe ibérica. A realización de traballos discográficos, caracterizados por manter unha liña programática, os seus lixeiramentos na guitarra clásica, a súa ampla investigación no jazz e a súa relación directa coa música tradicional e popular, convérteno nun músico cunha voz propia, considerado pola crítica especializada de RNE como o precursor da “Muiñeira‑Jazz”.
Biografía Ligazón ao título
Comeza os seus estudos musicais no Conservatorio de Ourense – España, onde se gradúa en guitarra clásica baixo a ensinanza do mestre Tomás Camacho, e enseguida participa en concertos organizados pola Asociación Guitarrística Galega de Vigo entre os anos 1978 e 1980.
Asiste aos históricos seminarios de jazz de Banyoles – Girona (1980‑81), organizados polo Taller de Músics, con mestres estadounidenses de recoñecido prestixio internacional como Thad Jones, Chuck Israels, Hal Crook, Steve Brown, Jim McNeely, Ben Riley, Bill Dobbins, Sal Nistico e Claudio Roditi; músicos que o introducen no mundo do jazz do que aprende a auténtica filosofía desta música.
No ano 1981 estuda no Taller de Músics de Barcelona con Mario Lecaros e imparte clases de guitarra clásica nesta escola.
Uns meses máis tarde trasládase a California – USA para cursar estudos de harmonía, improvisación e arranxos co mestre e trombonista norteamericano Hal Crook, de quen recibe o recoñecemento e a metodoloxía para fundar en 1983 a Baio Ensamble en Vigo – España, recoñecida como a primeira escola de jazz de Galicia.
Carta de recomendación Hal Crook‑ 1982
Entre os anos 1982 e 1984 forma dúo de guitarra con Elías Quiroga e o Cuarteto da Baio con Cuchus Pimentel, actuando en diversos festivais, especialmente os organizados por Xuventudes Musicais de Vigo.
A partir de 1985 dedícase ao estudo do piano, sendo este instrumento o que define a súa futura carreira profesional. Entre 1985 e 1986 céntrase en actividades vinculadas á Escola Baio Ensamble. Ese mesmo ano participa no I Seminario de Jazz de Galicia en Poio – Pontevedra, organizado polo Taller de Músics de Madrid e dirixido polo guitarrista norteamericano Steve Brown, asistindo a clases con Bill Dobbins e Steve Brown.
Entre 1987 e 1990 é contratado para impartir clases de jazz no Conservatorio de Santiago de Compostela, alternando ensinanza con actuacións e gravacións co grupo Noroeste, mentres traballa como director musical e arranxador da Orquesta Los Satélites de A Coruña.
En 1990 retoma a Escola Baio Ensamble, compaxinando a docencia coa interpretación de jazz, ofrecendo concertos, jam sessions e gravacións discográficas.
En 1993 retoma os seus estudos de harmonía clásica e barroca co mestre Pablo Beltrán, coincidindo cun encargo do arpista e cantautor galego Emilio Cao, para quen adapta música da Orquesta Clásica de Madrid dentro do programa Xacobeo 93.
Entre 1996 e 2000 grava dous álbums pioneiros na mestura da música popular galega co jazz e a música sinfónica, nos que xorde o termo “Muiñeira Jazz”, acuñado por Ramón Trecet, director do programa Diálogos 3 de RNE.
Este proxecto serviu como preludio para a creación do Alberto Conde Trío co contrabaixista Baldo Martínez e o percusionista Nirankhar Khalsa, co que traballa durante sete anos producindo e gravando dous novos álbums para o selo Nuba – Karonte Records e participando no álbum de gran éxito internacional Flamenco Jazz.
No ano 2002 estreou a súa ópera prima Sonidos de Bitácora.
No ano 2007 gaña a praza de profesor de piano jazz no Conservatorio Superior de Música de A Coruña, onde actualmente exerce a devandita especialidade.
En 2009 o guitarrista norteamericano Steve Brown invítalle a colaborar na produción e gravación dun novo álbum en formación de sexteto titulado Atlantic Bridge, gravado en New York e editado polos selos Karonte (España) e Brown Cats (USA). Ao mesmo tempo, baixo a dirección de Steve Brown, imparte master classes e workshops no Ithaca College e Cornell University de Nova York.
En 2012 produce e grava un novo álbum titulado Villa‑Lobos a new way coa soprano Carmen Durán e o Atlantic Trío (base do grupo Atlantic Bridge: contrabaixista Kin García, baterista Miguel Cabana e Alberto Conde), con textos do poeta‑musicólogo JR Bustamante, adaptando a obra de Villa‑Lobos ao jazz desde unha estética clásica. O disco foi editado en 2013 por Karonte Records e presentado co patrocinio da Xunta de Galicia.
En 2014 produce, grava e estreou no X Festival Imaxina Sons de Vigo un novo proxecto discográfico titulado Human Evolution Music Project, un álbum conceptual que revisa programáticamente a evolución humana e que resulta do mestizaxe do Jazz Ibérico coa música clásica india, sendo pioneiro no diálogo interactivo entre piano e sitar. O disco foi editado polo selo Jazz Records de Coímbra – Portugal.
En decembro de 2015 inicia un novo proxecto artístico coa cantante cubana Diana Tarín, presentado no XXXI Festival Internacional Jazz Plaza de La Habana, que desemboca en anos posteriores no proxecto audiovisual Corriente del Golfo.
No ano 2017 realiza unha serie de concertos en Lisboa co Iberian Roots trio co obxectivo de gravar un disco tributo ao pianista Bernardo Sassetti. O disco foi editado en 2019 polo selo portugués Clean Feed baixo o título The Wake of an Artist – Tribute to Bernardo Sassetti, presentado no Hot Clube de Lisboa, nos Encontros Internacionais de Jazz de Coimbra 2019 e na Fundación Camões de Vigo.
En 2018 grava o segundo disco do Atlantic Bridge no Teatro Noela de Noia, presentando o novo proxecto no Festival da Villa de Noia dese mesmo ano.
No ano 2019 desenvolve xunto co historiador e escritor galego Luís Cuntín, coa colaboración do académico da Real Academia da Lingua Galega Afonso Vázquez Monxardín, o proxecto “Jazzliza – A nosa voz de sempre nas nosas voces de hoxe: De Alfonso X a Xela Arias”; traballo de composición para orquestra de obras baseadas na historia da poesía galega, sobre temas clásicos do repertorio galego e, outras compostas por alumnos do departamento de jazz do Conservatorio Superior de Música da Coruña baixo a dirección de Alberto Conde, coa colaboración do compositor Pablo Beltrán. Obra estreada baixo a dirección do propio Alberto Conde o 6/6/2021 no Teatro Colón da Coruña co patrocinio do Concello e da Deputación da Coruña e a colaboración do departamento de Normalización Lingüística da Xunta de Galicia.
No ano 2020 estrea o encargo da obra baixo o título “Federico García Lorca, un viaxe do alma, unha corrente”, do Patronato García Lorca, sobre textos do poeta universal de Granada. Obra que será interpretada e retransmitida en directo dende o Parque Federico García Lorca de Alfacar – Granada o 18/8/2020 para conmemorar o 84º Homenaxe ao poeta e a todas as vítimas da guerra civil española.
En 2021 produce, xunto ao contrabaixista e compositor Kin García, o disco Portus Apostoli do Atlantic Bridge Jazz Project, co patrocinio do Concello de Noia e a colaboración da Xunta de Galicia, presentando o álbum no 44º Festival de Jazz de Vitoria‑Gasteiz.
En 2022 presenta o disco Portus Apostoli co Atlantic Bridge Jazz Project no II Festival Jazz‑Class de Vigo, organizado e patrocinado por Vitruvia Café e Concello de Vigo.
No ano 2023 o selo Nuba/Karonte edita o seu dobre álbum discográfico Corrente do Golfo, que foi presentado en directo cunha formación de 10 músicos na Praza da Quintana de Santiago de Compostela e gravado por Casa de Tolos para a RTVG, onde está dispoñible ao público no seu canal agalega.gal, no apartado Palco.
Ese mesmo ano é presentado no Festival Estrella de Galicia na Coruña, en formación de noneto, e na Casa de Galicia de Madrid e ante os medios de comunicación nacionais e da Comunidade de Madrid, en formato de dúo coa cantante Diana Tarín.
No ano 2024 presenta novamente este traballo en formación de dez músicos na cidade de Vigo dentro do Festival Musicav, organizado por Vitruvia Café co patrocinio da Xunta de Galicia.
Ese mesmo ano sae á luz un novo traballo discográfico co guitarrista estadounidense John Stowell e o Atlantic Bridge Trio, xunto co contrabaixista Kin Garcia, o baterista Miguel Cabana e o propio Alberto Conde ao piano.
Todos os discos son producidos e coproducidos por Alberto Conde, agás Paisajes, producido por Paco Montes para RTVE; Celtrópolis con produción artística de Alberto Conde e produción executiva de Punteiro/Clave Records; Andaina, con produción artística de Alberto Conde e produción executiva de Fernando Rosado para Nuba Records / Karonte; e Human Evolution Music Project, con produción artística de Alberto Conde e coprodución executiva de Ze Miguel para Jacc Records xunto con Human Evolution Music Project.
Premios Ligazón ao título
- 1986 – 2º premio no XXI Festival de Jazz de San Sebastián, dentro do Primeiro Certame Internacional celebrado na Praza da Trindade coa Baio Ensamble.
- 1986 – Finalista na primeira Mostra Nacional de Jazz para novos intérpretes celebrada en Mallorca e organizada polo INJUVE coa Baio Ensamble.
- 1987 – Finalista no Primeiro Concurso Internacional de Composición para Orquestra de Jazz Contemporáneo, Fundación Plató -SGAE celebrado en Madrid.
- 1990 – Primeiro premio da crítica de RNE como director musical, compositor e arranxador do disco (LP) 50 Aniversario da Orquestra Los Satélites da Coruña, editado por Fonomusic.
- 1997 – Premio grupo revelación no Festival Intercéltico de Lorient – Francia co Alberto Conde grupo, coincidindo coa presentación do disco A Lagoa dos Atlantes.
- 1997 – Premio Novas Músicas no programa Luar da TVG e mellor disco galego de vangarda por A Lagoa dos Atlantes nos xornais Faro de Vigo e Ideal Gallego.
Medios Ligazón ao título
Gravou en programas de TVE como “Jazz entre amigos”, La Buena Música “Solo Jazz”, RTP2 “Esectv”, diferentes programas de RNE, RTVG, Radio Nacional de Portugal, Francia, Italia, India, EEUU, etc.
Festivais Ligazón ao título
Ao longo da súa carreira participou en diferentes Festivais de Jazz e novas músicas como:
- Festival de Jazz de Murcia 1984
- Festival de Jazz de San Sebastián 1986 (2º premio no primeiro concurso internacional con Baio Ensemble)
- Mostra Nacional Jazz Mallorca 1986
- Festival Intercéltico de Lorient, 1997
- Festival de Música e Danza de Granada 2002
- Festival Internacional de Jazz e Blues de Pontevedra 2003
- Mostra Nacional Jazz Salamanca 2004
- Jazz ao Centro Coimbra 2005 (Portugal)
- Ressons jazz 2005 (Espai de Barcelona)
- Festival Internacional de Jazz de San Javier 2005
- Festival Imaxina Sons 2006 (Vigo)
- II Ciclo 1906 (Estrella de Galicia) 2009
- Festival Imaxina Sons 2010 (Vigo)
- Universijazz Alcalá de Henares, Guadalajara e Torrejón 2010
- Odio L’Estate, Festival Villa Carpegna (Roma) 2010
- XVI CICLO DE JAZZ BARRIÉ DE LA MAZA 2011
- X Festival Imaxina Sons 2014 (Vigo), entre outros.
- XI Festival Imaxina Sons 2015 coa Orquestra de Jazz de Galicia.
- XXIV Jazz no Parque – Serralves 2015 – Oporto.
- III Festival IKFEM 2015 – Tui – Valença.
- XXXI Festival Internacional Jazz Plaza – 2015 La Habana.
- Festival Piano City de Nápoles 2019 – Concerto Principal – Antisala do Maschio Angioino
- Encontros Internacionais de Jazz de Coimbra – Portugal 2019
- 84 Homenaxe a Federico García Lorca e todas as vítimas da guerra civil española, Alfacar – Granada 2020
- 44 Festival de Jazz de Vitoria – Gasteiz 2021
- 2º Festival Jazz – Class de Vigo 2022
- II Festival Musicav de Música Clásica e Jazz de Vigo 2024.
Colaboracións Ligazón ao título
Tocou con músicos da talla de Kenny Wheleer, Roy Hargroove, Hal Crook, Steve Brown, John Stowell, Jorge Pardo, Scott Hamilton, Walter White, Rosario Giuliani, Carlos Barretto, Alexandre Frazão, Baldo Martínez, Nirankar Khalsa, Cuchus Pimentel, Shakir Khan, Vikas Triphati, Kin García, Giovanni Amato, Giulio Martino, Pietro Iodice, Giampiero Virtuoso, Miguel Cabana, Yissy García, Rodolfo Argudín “Peruchín”, Roberto Somoza, Diana Tarín, José Valente entre moitos outros.
No campo da ensinanza, pasaron polas súas aulas músicos da talla de Miguel Ogando, Carlos Barruso, Kin García, Carlos Rodgarman, Carlos Calviño, Paco Charlín, Santi Quintans, Guillerme Fernández, Xosé Miguelez, Lucía Martínez, Jacobo de Miguel, Gabriel Peso, Iago Mouriño, Alfredo Susavila, Martín Otero, entre moitos outros.
Proxectos orquestrais e producións artísticas Ligazón ao título
- No ano 2002 estrea Sonidos de Bitácora (concerto sinfónico para guitarra e orquestra), interpretado polo guitarrista Tomás Camacho e a Nova Orquestra Sinfónica de Viana do Castelo (Portugal) baixo a dirección de Miguel del Castillo. O estreo contou con tres concertos baixo o patrocinio da Xunta de Galicia que, recoñecendo o seu éxito, lle outorga catro concertos máis.
- No 2005 estrea Entremares e Orquestra (concerto para trío de jazz e big band), presentado no Primeiro Certame do Festival Iberojazz polo Alberto Conde Trío e a Big Band da Deputación de Ourense baixo a dirección de Pablo Beltrán, co-arranxista xunto ao propio Alberto da partitura orquestral. Parte do concerto volveuse presentar en 2010 no Festival Odio L’Estate de Roma, coa Sant Louis Big Band desa cidade baixo a dirección de Antonio Solimene.
- Crea e dirixe o Festival Iberojazz entre o 2005 e 2011, organizado e patrocinado polo Concello da Coruña e que propón unha filosofía sobre a presentación dos novos valores do jazz da Península Ibérica con especial atención a Galicia. Unha mostra dos novos proxectos máis destacables feitos en España e Portugal, e un programa de intercambios con diferentes Conservatorios e Escolas Superiores de Música Nacionais e Internacionais.
- Dirixe a produción musical do cd, Jazz Volume III – Conservatorio Superior de Música da Coruña – Departamento de Jazz, gravado no CSM Coruña o 17/4/2009 polo Servizo de Producción da Radio Galega, actuando como técnico de gravación e mesturas Pablo Barreiro.
- No 2011 produce e dirixe, co patrocinio da Consellería de Educación e Ordenación Universitaria da Xunta de Galicia, o DVD correspondente ao espectáculo Galitalia Jazz Meeting enmarcado dentro do programa Iberojazz 2011, no que se realiza unha mostra de novas creacións para big band creadas por músicos que conforman a Primeira Promoción de Titulados de Jazz de Galicia, xunto a obras de recoñecidos compositores e arranxistas italianos, actuando como solista o saxofonista italiano Rosario Giuliani e dirixindo a Bigband do CSM da Coruña como director titular Kin García e como director convidado Antonio Solimene.
- No ano 2014 forma parte da produción e idea orixinal do espectáculo Diálogos Sinfónicos co Jazz, para orquestra sinfónica e trío de jazz, no que se recrea unha nova lectura de famosas pezas do repertorio clásico-romántico orquestral con trío de jazz, enmarcado dentro das actividades que organiza anualmente o CSM da Coruña.
- No ano 2015 colabora como pianista convidado da Orquestra de Jazz de Galicia na gravación do disco FAME e na presentación do CD, dentro do XI Festival Imaxina Sons de Vigo.
- No mesmo ano participa como convidado no XI Coloquio Internacional de Jazz dedicado á Rede en Defensa da Humanidade, celebrado no Salón Mayo – Pabellón de Cuba os días 17 e 18 de decembro de 2015, dentro do Festival Internacional Jazz Plaza de Habana.
- Dirixe a Big Band do CSM – Coruña entre os anos 2018 e 2021, destacando entre outras, a gravación en directo o 6 de maio de 2021 no Teatro Colón da Coruña e a produción no ano 2022 do dvd en directo do espectáculo “Jazzliza de Alfonso X a Xela Arias”, coa colaboración da Xunta de Galicia, o Concello da Coruña e o CSMus da Coruña.
Programa do XI Coloquio Internacional de Jazz 17-12-15 Habana