Corrente do Golfo
Corrente do Golfo é un proxecto que ten como obxectivo dar a coñecer algunhas das causas do desenvolvemento musical creado en Cuba a finais do século XIX e primeira metade do XX, nun intento de axudar a comprender a súa proxección e recoñecemento actual; asi coma a relación que este desenvolvemento musical tivo coas escolas galegas e españolas, que forxaron un magma cultural que hoxe é recoñecido en todo o mundo
- GRAVACIÓNS E PRESENTACIÓNS PÚBLICAS
XXXI Festival Jazz Plaza 2015. Comeza o dúo Conde-Tarín vindo de realizar en formato de cuarteto xunto á batería cubana Yissy García e o contrabaixista cubano Jorge González unha serie de concertos programados dentro do Festival Internacional de Jazz da Habana.
O Peruchín Jazz and Tradition convida ó dúo Conde-Tarín a un dos seus concertos programados dentro do citado festival Jazz Plaza 2015.
- O Centro Nacional da Música Popular e o Centro de Investigación e Desenvolvemento da Música Cubana conceden o diploma a Alberto Conde en recoñecemento á participación no XI Coloquio Internacional de Jazz do Festival Jazz Plaza da Habana.
- Entrevista en La Jiribilla · Revista Cultural Cubana ·
- CORRENTE DO GOLFO. O NOVO SON DO JAZZ
- O 1-12- 2016realízase un concerto públicogravado en formato audiovisual no Garufa Club da Coruña (Galicia) que supón o primeiro bloque de gravacións previstas para a realización do proxecto
Corrente do Golfo.
Os días 24 e 25 de maio de 2017 efectúase un segundo capítulo de gravacións de audiovisuais para a produción do proxecto. Rexistráronse referencias no Teatro García Barbón, no Auditorio Martín Codax e en praias e espazos da contorna da cidade de Vigo. Nesta gravación, estiveron implicados un elenco de recoñecidos músicos de diferentes disciplinas, entre solistas, instrumentistas e formacións de prestixio procedentes de Galicia e Cuba. Un total de 40 músicos reuníronse no Teatro G.B. e no Auditorio Martín Codax da Cidade Olívica, nunha produción da productora videográfica Tolemias (Casa de Tolos), con guión e coordinación de Luís Cuntín e producción e dirección musical de Alberto Conde.
Fotos: Voz de Galicia e Faro de Vigo
O mesmo 24 de maio, durante os intervalos entre as gravacións, ofreceuse un concerto no Café Vitruvia da cidade de Vigo, coa colaboración da marca 1906.
Presentación de Corrente do Golfo en Nápoles e Salerno – Italia entre o 26 de Febreiro e o 3 de Marzo. Realizaranse clases maxistrais na especialidade de Interpretación-Jazz no Conservatorio Superior de Música Giusseppe Martucci de Salerno, dentro do programa Erasmus, entre o 26 de Febreiro e o 1 de Marzo de 2018, ambos incluidos, impartidas por Alberto Conde e Kin García, profesores do Conservatorio Superior de Música da Coruña, e pola cantante-vocalista Diana Tarín como invitada na especialidade de jazz afrocubano.
Concertos “Gal-Italia Corriente del Golfo” – Quinteto:
- Xoves 1 de Marzo no Blue Around Midnight Jazz Club de Nápoles.
- Venres 2 de Marzo no Pub Il Moro de Salerno.
